តើត្រូវធ្វើ​យ៉ាង​ណា​នៅពេល​ដែល Google Chrome ជួប​បញ្ហា Crash ?

​ប្រសិនបើ​លោកអ្នក​ប្រើ​ប្រាស់ Google Chrome ​លោកអ្នក​នឹងអាចជួប​បញ្ហា Crash ​ដែល​ត្រូវបាន​បង្កឡើងដោយកត្តា​ច្រើន​យ៉ាង ។ បញ្ហា​នេះតែងតែកើតឡើង​នៅលើ Google Chrome ធ្វើ​ឲ្យ​អ្នក​ប្រើ​ប្រាស់​ជួបការលំបាក និង​មិនដឹង​ថាត្រូវដោះស្រាយ​បញ្ហា​នេះដោយរបៀបណាឡើយ ។

​ប្រសិនបើ​យើងចង់ដឹងពីមូលហេតុ​ដែល​នាំ​ឲ្យ​មាន​បញ្ហា crash នេះកើតឡើងនៅ​ក្នុង Google Chrome យើងអាចវាយ chrome://crashes ចូលទៅ​ក្នុង address bar របស់ Google Chrome រួចចុច​ Enter ។

​ចំណាំ​៖ មុនពេល​ដែល​យើងអាចចូលទៅមើល Report ​ទាក់ទងនឹង Chrome Crash បាន យើងត្រូវ​ធ្វើការ  Enable option របស់វាជាមុនសិន ។ ដើម្បី  Enable option នេះសូមចូល​ទៅកាន់ Setting របស់ Chrome រួចចុចលើ “Show advanced settings” នៅ​ខាងក្រោម Privacy Section សូម enable លើ Option “Automatically send usage statistics and crash reports to Google” Checkbox ។

​បញ្ជាក់​៖ ​ប្រសិនបើ​លោកអ្នក​មិនទាន់ enable crashes reporting option ទេនោះ លោកអ្នក មិនអាច​មើលឃើញ​នូវ​បញ្ហា crashes ​ទាំងនោះ​ឡើយ ។ ទោះបីជា​លោកអ្នក​ធ្វើការ enable option crashes reporting ហើយ​ក៏​ដោយ លោកអ្នក​ត្រូវ​ធ្វើការ​រងចាំមាន​បញ្ហា crashes កើតឡើងម្តងទៀត ទើបវាអាចចាប់យក​នូវ crashes reporting ​ទាំងនោះ​បាន ។

ដោយមានកត្តា​ច្រើន​ដែល​អាចធ្វើ​ឲ្យ​កម្មវិធី Google Chrome ជួប​នូវ​បញ្ហា​នេះ ទស្សនាវដ្ដី​-ANT នឹងលើកយកវិធីសាស្រ្តមួយចំនួន​មក​បង្ហាញ​ជូនដល់មិត្តអ្នកអាន​ទាំងអស់​ឲ្យ​បានជ្រាប​ច្បាស់ពី​ដំណោះ​ស្រាយ​ទាក់ទងនឹង​បញ្ហា​ខាងលើ​នេះ ។

ត្រួត​ពិនិត្យ​មើល​នូវ Software ​ដែល​បណ្តាល​ឲ្យ​មានការប៉ះពាល់

Software មួយចំនួននៅ​ក្នុង​កុំព្យូទ័រ​របស់អ្នក​អាចមានផលប៉ះពាល់​ជាមួយនឹង​ការ​ប្រើ​ប្រាស់ Google Chrome ដូច្នេះហើយការប៉ះពាល់នេះ (Conflicts) អាចបណ្តាល​ឲ្យ Google Chrome ប្រឈមនឹងការ Crash ។

តើត្រូវធ្វើដូចម្តេច ដើម្បី​ដឹងថា  Software ​ណាមួយ​ដែល​ធ្វើ​ឲ្យ Google Chrome ជួបនឹង​បញ្ហា​នេះ ដូចនេះសូមវាយ chrome://conflicts ទៅ​ក្នុង address bar របស់ Google Chrome រួចចុច Enter ។

​ប្រសិនបើ​មានករណី​ខាងលើ​នេះកើតឡើង លោកអ្នក​គួរតែ​ធ្វើការ update software នោះទៅ version ​ចុងក្រោយ​, ឬ​ក៏​យើងអាច disable វាចោល, ឬ​ក៏​អាច uninstall វាចោលតែម្តង​ក៏​បានដែរ ។

Scan ​កុំព្យូទ័រ ដើម្បី​ចាប់  Malware

Malware ​ក៏​ជាមូលហេតុមួយ​ដែល​បណ្តាល​ឲ្យ Google Chrome ប្រឈមនឹង​បញ្ហា crash ដូច​គ្នា​ដែរ ។ ប្រសិនបើ Google Chrome ​លោកអ្នក​កំពុង​តែ​ត្រូវបាន​រំខាន និងយាយីដោយ​បញ្ហា​នេះ លោកអ្នក​គួរតែ​ធ្វើការ scan ម៉ាស៊ីន​កុំព្យូទ័រ​របស់អ្នក​ជាមួយនឹង​កម្មវិធី​កម្ចាត់​មេរោគ ដូចជា​កម្មវិធី Microsoft Security Essentials ជាដើម ។

ប្តូរទៅ​ប្រើ​ប្រាស់​ Profile ថ្មីនៅ​ក្នុង​ Google Chrome

Chrome crashes ​ក៏​អាចបណ្តាល​មកពី​បញ្ហា​នៃការ​ប្រើ​ប្រាស់ Profile ​នៅលើ Google Chrome (ការ​ប្រើ​ប្រាស់ Gmail Account) ។ យើងអាច​ធ្វើការ​សាកល្បងករណីនេះដោយ​បង្កើត​នូវ Profile ថ្មី​សម្រាប់ Google Chrome ​តាមរយៈ Google’s setting screen ។ សូមបើក​នូវ Setting page ពី Menu របស់ Chrome រួចចុច Add new user ។

សូមផ្លាស់ប្តូរទៅ​ប្រើ​ប្រាស់ Profile ថ្មី​បន្ទាប់ពី​បង្កើត​រួចហើយ និងមើលថាតើ​បញ្ហា crash នៅតែ បន្តកើតមាន ឬ​យ៉ាង​ណា ។ យើងអាច sign in ​ទៅកាន់ Chrome ជាមួយ Google Account ថ្មី រួច​ធ្វើការ​ផ្ទៀងផ្ទាត់​ទិន្នន័យ​ជាមួយនឹង Profile ចាស់ ។

ជួសជុល​បញ្ហា System File

យើង​ខ្ញុំ​សូម​ណែនាំ​លោកអ្នក​នូវ​វិធីសាស្រ្តមួយ​ដែល​វានឹង​ធ្វើការ​ត្រួត​ពិនិត្យ និងជួសជុល ដោយ​ការពារ system files នៅលើ Windows system របស់​លោកអ្នក នៅពេល​ដែល​លោកអ្នក​កំពុង​តែជួប​នូវ​បញ្ហា crashes ។ ដើម្បី​អនុវត្ត សូម​ធ្វើការ​បើក​នូវ​កម្មវិធី Command Prompt ដោយ​ដំណើរ​ការ​វាជា administrator ។

សូមវាយ SFC.EXE /SCANNOWទៅ​ក្នុង Command Prompt Windows រួចចុច Enter នោះ Windows នឹង​ធ្វើការ scan system files ​ទាំងនោះ រួចនឹង​ធ្វើការ​ជួសជុលរាល់​បញ្ហា ដែល​វាបានរកឃើញ ។

​បញ្ហា Flash Crash

Flash Plugin ​ត្រូវបាន​រកឃើញថា វាជា​ចំណែក​មួយ​ដែល​អាចធ្វើ​ឲ្យ Google Chrome កើតមាន​នូវ​បញ្ហា crash ​ផងដែរ ។ នៅពេល​ដែល​លោកអ្នក​ឃើញ​នូវ​សញ្ញា​ដែល​កើតឡើងដោយ​បញ្ហា Flash Crash លោកអ្នក​ប្រហែលជាព្យាយាមផ្អាក​ដំណើរ​ការ Flash Plugin ចាស់ចោលរួចហើយ​ប្រើ​ប្រាស់​នូវ Flash Plugin ថ្មីមួយ​នៅ​ក្នុង​ Google Chrome ។

​សម្រាប់​របៀបដោះស្រាយ​បញ្ហា Crash ​ដោយសារ Flash យើងនឹងចុះផ្សាយនៅលេខក្រោយ ។

** ដកស្រង់ចេញពី​ទស្សនាវដ្ដី​អាន-ANT ​ច្បាប់​ទី៥១​សម្រាប់​ខែ កក្កដា ឆ្នាំ​២០១៣