រីករាយនឹងការស្ដាប់តន្រ្តីជាមួយនឹង Huawei Ambox
ដោយសារតែសារតែមានការកើនឡើង នៃការប្រើប្រាស់នូវប្រភេទឧបករណ៍អេឡិចត្រូនិច ក្រុមហ៊ុនអេឡិចត្រូនិចHuaweiបានបង្កើតនូវឧបករណ៍អេឡិចត្រូនិចជាច្រើន ដើម្បីបំពេញនូវសេចក្តីត្រូវការអស់ទាំងនោះ ។ ស្របពេលជាមួយគ្នានេះដែរ ក្រុមហ៊ុន Huawei បានបង្កើតនូវ Huawei Amboxដែលជាប្រភេទBluetoothSpeakerដែលអាចផ្ដល់ភាពងាយស្រួលដល់អ្នកប្រើប្រាស់ ដើម្បីកំសាន្តក្នុងការស្តាប់តន្រ្តី ជាមួយនឹងគុណភាពសំឡេងឮច្បាស់ល្អ ។
ជាមួយនឹងHuaweiAmboxលោកអ្នកមិនចាំបាច់ស្មុគស្មាញជាមួយការប្រើប្រាស់ខ្សែផ្សេងៗ ដើម្បីភ្ជាប់ទៅនឹងឧបករណ៍ចាក់តន្រ្តីនោះទេ ព្រោះឧបករណ៍ខាងលើនេះបានបង្កើតឡើងជាមួយនឹង បច្ចេកវិជ្ជា Bluetooth ដ៏ទំនើប ។
Huawei Ambox មានសមត្ថភាពខ្ពស់ដែលអាចភ្ជាប់ប្រព័ន្ធ Bluetooth ជាមួយនឹងឧបករណ៍ច្រើនប្រភេទដូចជា smartphone, tablet, laptop, pc និងឧបករណ៍ជាច្រើនទៀតដែលត្រូបានភ្ជាប់នូវបច្ចេវិទ្យា Bluetooth មកជាមួយ ។
Ambox ត្រូវបានបំពាក់នូវបច្ចេកវិជ្ជា Bluetooth ចុងក្រោយ គឺ Bluetooth v4.0 ដែលអាចប្រើប្រាស់ភ្ជាប់ជាមួយឧបករណ៍ផ្សេងៗបានរហូតដល់ចម្ងាយ 10m ។
ជាងនេះទៅទៀត Ambox អាចធ្វើការភ្ជាប់ជាមួយនឹងឧបករណ៍ Bluetooth បានដល់ទៅ 2 ក្នុងពេលតែមួយ ហើយអាចផ្លាស់ប្តូរទៅចាក់តន្រ្តីជាមួយនឹងឧបករណ៍ណាមួយបានយ៉ាងងាយស្រួលដោយមិនចាំបាច់ធ្វើការ search រកឧបករណ៍ ដើម្បីភ្ជាប់ម្តងទៀតឡើយ ។
លើសពីនេះ Ambox
ត្រូវបានបង្កើតឡើងជាមួយនឹងការរចនាយ៉ាងស្រស់ស្អាត
និងគិតពីស្តង់ដាក៏ដូចជាសុវត្ថិភាពក្នុងការប្រើប្រាស់ ។
បច្ចេកវិជ្ជានៃការបន្លឺសំឡេងរបស់ Ambox មានកម្រិតដល់ទៅ 3600 ដែលអាចបញ្ចេញសំឡេងបានច្បាស់ទៅកាន់មជ្ឈដ្ឋានជុំវិញ ។ លក្ខណៈពិសេសមួយទៀតនោះគឺ បច្ចេកវិជ្ជា NdFeB Speaker ដែលប្រឆាំងនឹងការប៉ះពាល់ខ្លាំងនៃរលកម៉ាញេទិចសំឡេង នេះជាហេតុធ្វើឲ្យ Ambox បញ្ចេញសំឡេងបានយ៉ាងពិរោះ ហើយឧបករណ៍ក៏ត្រូវបានរចនាជាមួយនឹងស្រទាប់ការពារសំបកខាងក្រៅដែលមានកំរាស់2.5mm ធ្វើឲ្យឧបករណ៍មានភាពធន់នឹងការប៉ះទង្គិច និងការធ្លាក់ ។
ជាមួយគ្នានេះដែរ នៅផ្នែកខាងលើនៃ speaker ត្រូវបានរចនាដោយដាក់នូវអំពូលភ្លើងពណ៌ក្រហមយ៉ាងស្រស់ស្អាត ដែលជាសញ្ញាបញ្ជាក់ថាឧបករណ៍កំពុងតែដំណើរការ ។
ងាកមកមើលការប្រើប្រាស់ប៊ូតុង touch នៅផ្នែកខាងលើឧបករណ៍ លោកអ្នកនឹងឃើញមាននូវប៊ូតុងផ្លាស់ប្តូរបទចម្រៀង, ប៊ូតុងកំណត់សំឡេង, និងប៊ូតុងសម្រាប់ដំណើរការ Bluetooth ដែលផ្ដល់ភាពងាយស្រួលដល់អ្នកប្រើប្រាស់ក្នុងការបញ្ជាការចាក់តន្រ្តីទៅលើឧបករណ៍ Bluetooth ណាមួយដែលបានភ្ជាប់មកកាន់វា ។
ចំណែកនៅផ្នែកបាតខាងក្រោមនៃឧបករណ៍ លោកអ្នកនឹងឃើញមានកុងតាក់បិទបើកថាមពលប្រើប្រាស់ ។
អ្នកប្រើប្រាស់នឹងមានភាពងាយស្រួលក្នុងការបញ្ចូលថាមពល ដើម្បីប្រើប្រាស់តាមការប្រើប្រាស់ micro-usb ដែលមាននៅផ្នែកខាងក្រោយឧបករណ៍ ។
ដោយឡែក លោកអ្នកអាចរីករាយជាមួយនឹងការប្រើប្រាស់ Huawei Ambox
ដែលមានថាមពលប្រើប្រាស់បានយូរអាស្រ័យទៅនឹងការកំណត់កម្រិត
នៃការបញ្ចេញសំឡេងទៅលើឧបករណ៍ ។ យ៉ាងណាមិញ លោកអ្នកអាចប្រើប្រាស់ Ambox ឲ្យដើរតួរជា speaker របស់ទូរសព្ទដែលអាចប្រើសម្រាប់និយាយបានរហូតដល់ទៅ 4ម៉ោង រាល់ពេលដែលមានការ call ទៅមក ហើយក៏អាចបើកទុកចោលបានពេញមួយថ្ងៃ (24 ម៉ោង) ។
សមាសភាពសង្ខេប
- · កម្រិតប្រេកង់ = 60Hz-20KHz
- · ល្បឿនសូរសំឡេង >= 70dB
- · កម្រិតថាមពលប្រើប្រាស់ = 1.8W
- · បរិមាណថ្មប្រើប្រាស់ = 700mAh
- · ទំហំ = 83mm x 83mm x 80mm
- · ទម្ងន់ = 150g
*** ដកស្រង់ចេញពីទស្សនាវដ្ដីអាន-ANT ច្បាប់ទី៥២ សម្រាប់ខែ សីហា ឆ្នាំ២០១៣
No comments:
Post a Comment