កំសាន្តក្នុងការស្តាប់តន្រ្តីជាមួយនឹង SSK B1
ស្របពេល
ជាមួយនឹងការរីកនៃបច្ចេកវិទ្យា
ការប្រើប្រាស់ឧបករណ៍អេឡិចត្រូនិចផ្សេងៗ ដើម្បីបម្រើនូវចំនីអារម្មណ៍
ជាតម្រូវការមួយដ៏សំខាន់នាពេលសព្វថ្ងៃនេះ ។
ដោយឡែកឧបករណ៍អេឡិចត្រូនិចភាគច្រើនតែងបង្កើតមកជាមួយនឹងកម្មវិធី
កំសាន្តអស់ទាំងនោះ ជាពិសេសកម្មវិធីចាក់តន្រ្តីជាដើម
ដែលជាការកំសាន្តមួយដ៏សំខាន់សម្រាប់អ្នកប្រើប្រាស់ទូទៅ ។
ដោយមើលឃើញនូវចំណុចទាំងអស់នេះ SSK បានបង្កើតនូវឧបករណ៍ SSK B1 ដែលជាប្រភេទ Bluetooth Multi-Function Speaker ម្យ៉ាង
ដែលនឹងដំណើរការជាមួយនឹងឧបករណ៍ចាក់តន្រ្តីទាំងអស់នោះ
ដើម្បីបន្ថែមនូវការកំសាន្តដល់អ្នកប្រើប្រាស់មួយកម្រិតទៀត ។
SSK B1 ត្រូវបានបង្កើតឡើងជាមួយនឹងតួនាទី និងលក្ខណៈពិសេសច្រើនយ៉ាងមិនត្រឹមតែអាចប្រើប្រាស់ជាមួយនឹងឧបករណ៍ដែលមាន Bluetooth ប៉ុណ្ណោះទេ លោកអ្នកក៏អាចប្រើខ្សែភ្ជាប់ទៅកាន់ប្រភេទឧបករណ៍ចាក់តន្រ្តីដែលគ្មាន Bluetooth បានដូចគ្នា ។ បច្ចេកវិទ្យា Bluetooth 3.0 នៅក្នុង SSK B1 មានសមត្ថភាពភ្ជាប់ទៅកាន់ប្រភេទឧបករណ៍ប្រើប្រាស់ Bluetooth ជាច្រើនទៀតដូចជា៖ smartphone, tablet, laptop, pc និងឧបករណ៍ផ្សេងៗទៀតដែលមាន Bluetooth ដោយមិនប្រកាន់ប្រព័ន្ធប្រតិបត្តិការនៅលើឧបករណ៍ទាំងនោះឡើយ ។
លើសពីនេះ SSK B1 បានដើរតួជា Speaker ដែលអាចប្រើប្រាស់ ដើម្បីទទួលរាល់ការហៅចូលតាមទូរសព្ទ និងអាចនិយាយឆ្លើយឆ្លងគ្នាបានយ៉ាងងាយស្រួល ។ ក្នុងនោះផងដែរ SSK B1 បានបង្កើតឡើងជាមួយនឹង AUX IN ដែលអាចឲ្យលោកអ្នកប្រើប្រាស់ខ្សែ ដើម្បីភ្ជាប់ទៅកាន់ឧបករណ៍ចាក់តន្រ្តី ប្រសិនបើលោកអ្នកមិនចង់ប្រើប្រាស់ប្រព័ន្ធ Bluetooth ទេនោះ ។ ចំណែកលក្ខណៈពិសេសផ្សេងទៀតនោះ គឺ SSK B1 អាចប្រើប្រាស់បានជាមួយប្រភេទ micro-sd memory card ដែលអាចផ្ដល់ភាពងាយស្រួលដល់អ្នកប្រើប្រាស់ដោយមិនចាំបាច់ត្រូវការមានឧបករណ៍សម្រាប់ចាក់តន្រ្តីឡើយ ។
សម្រាប់ការប្រើប្រាស់ប៊ូតុងដែលមាននៅផ្នែកខាងលើនៃឧបករណ៍
លោកអ្នកនឹងអាចបញ្ជាទៅលើការចាក់តន្រ្តីបានយ៉ាងងាយជាមួយនឹង
ប៊ូតុងផ្លាស់ប្តូរបទចម្រៀង ហើយក៏ជាប៊ូតុងតែមួយសម្រាប់កំណត់សំឡេងលើ Speaker ដែរ
ដោយគ្រាន់តែលោកអ្នកចុចលើប៊ូតុងនោះឲ្យជាប់
ដើម្បីកំណត់កម្រិតនៃសំឡេងរបស់វា ។ ជាងនេះទៅទៀត
មានប៊ូតុងពិសេសមួយដែលយើងអាចប្រើ
ដើម្បីទទួលការហៅចូលពីទូរសព្ទដែលកំពុងភ្ជាប់ប្រព័ន្ធ Bluetooth ឬក៏ខ្សែជាមួយនឹង SSK B1 ដោយអ្នកប្រើប្រាស់មិនចាំបាច់ប្រើទូរសព្ទ ដើម្បីចុចទទួលឡើយ គ្រាន់តែចុចលើប៊ូតុងទទួលនៅលើ SSK B1 នេះ គឺអាចទទួលការហៅចូល និងប្រើ speaker មួយនេះ ដើម្បីនិយាយឆ្លើយតប ជាមួយនឹងសំឡេងច្បាស់ល្អ ។
ក្រឡេកទៅមើលទៅមើលលក្ខណៈពិសេសក្នុងការរចនា យើងឃើញថា SSK B1
ត្រូវបានរចនាឡើង
ដែលផ្ដល់ភាពងាយស្រួលដល់អ្នកប្រើប្រាស់ក្នុងការយកតាមខ្លួន
ជាមួយនឹងទំហំតូចល្មម ទម្ងន់ស្រាល និងរូបរាងដ៏ស្រស់ស្អាតនិងទាន់សម័យ ។
ដូច្នេះអ្នកប្រើប្រាស់អាចកំសាន្តនឹងការស្តាប់តន្រ្តី ជាមួយនឹង SSK B1 គ្រប់ពេលវេលា គ្រប់ទីកន្លែង ។
លោកអ្នកមិនចាំបាច់ព្រួយបារម្ភ ពីបញ្ហាបរិមាណថាមពលប្រើប្រាស់ឡើយ
ព្រោះវាអាចអាស្រ័យទៅលើការកំណត់របស់លោកអ្នក
ទៅលើកម្រិតនៃការបន្លឺសំឡេងរបស់វា ។ ទោះបីជាយ៉ាងណាក៏ដោយ SSK B1 មានសមត្ថភាពខ្ពស់ក្នុងការកាន់ថ្មបានយូរ ហើយលោកអ្នកបញ្ចូលថ្មបានយ៉ាងងាយស្រួលជាមួយនឹង mini-usb ។
សមាសភាពសង្ខេប
· សមត្ថភាព និង តួនាទី = Bluetooth 3.0, Voice Call, Micro-Card Player, AUX IN Player
· ថាមពលប្រើប្រាស់ = 2W
· កម្រិតប្រេកង់ = 100Hz-20KHz
· ល្បឿនសូរដាល >= 85dB
· បរិមាណថ្ម = 500mAh
· រយៈពេលបញ្ចូលថ្ម = 2 ទៅ 3 ម៉ោង
· ទំហំ = 7.8 cm x 6.2 cm x 6.2 cm
· ទម្ងន់ = 268g
*** ដកស្រង់ចេញពីទស្សនាវដ្ដីអាន-ANT ច្បាប់ទី៥២ សម្រាប់ខែ សីហា ឆ្នាំ២០១៣
No comments:
Post a Comment